Մենք սկսել ենք ստորագրահավաք «Կենդանիների պատասխանատու վերաբերմունքի մասին» վտանգավոր օրենսդրական փաթեթի դեմ։ Այս օրենքը, ինչպես այն ներկայացված է, հարվածում է ոչ թե դաժան մարդկանց, այլ նրանց, ովքեր անդադար փորձում են փրկել և խնամել անօթևան կենդանիներին։
Այս նախագիծը, որը պետք է լիներ ստերջացման և մարդասիրական ծրագրերի աջակցության գործիք, փաստացի բացում է ճանապարհ ճնշումների համար և ստեղծում է հիմք կենդանիների զանգվածային ոչնչացման։ Եթե այն ընդունվի ներկայիս տեսքով, այն կունենա ողբերգական հետևանքներ՝ ոչ միայն կենդանիների, այլև նրանց շուրջ հավաքված կամավորների, խնամակալների և բոլոր նրանց, ովքեր չեն կարող անտարբեր մնալ ցավի ու սովի կողքով, համար։
Այս օրենքը վտանգում է կենդանիների փրկման և խնամքի գործում ներգրավված անհատների և կազմակերպությունների գոյությունը։ Այն սահմանում է նոր, անհիմն սահմանափակումներ, որոնք կդժվարացնեն կամ անհնար կդարձնեն կենդանիների փրկումը փողոցներից, նրանց բուժումը և խնամքը։
Մենք պահանջում ենք անհապաղ դադարեցնել օրենքի այս տարբերակի առաջխաղացումը և սկսել բաց, հասարակական քննարկում։ Այս քննարկումը պետք է ընդգրկի ոլորտի բոլոր կողմերը՝ անասնաբույժների, կենդանապաշտպանների, կենդանիների խնամքով զբաղվող կազմակերպությունների և ոլորտի մասնագետների։ Միայն համատեղ ջանքերով կարող ենք ստեղծել օրենսդրություն, որը կպաշտպանի և՛ կենդանիներին, և՛ նրանց փրկիչներին։
Մենք կոչ ենք անում բոլորին, ովքեր կարևորում են կենդանիների բարեկեցությունը, միանալ մեր պայքարին՝ ստորագրելով հանրագիրը և տարածելով այն իրենց շրջապատում։ Յուրաքանչյուր ստորագրություն՝ մեկ աստղ, որը պաշտպանում է թե՜ կենդանիներին, թե՜ մեր հասարակության մարդասիր մարդկանց։
About the Author
